Reitun hefur tekið að sér að greina og meta lánshæfi skuldabréfasjóða GAMMA. Einkunn sjóðanna byggir á væntum greiðslufallslíkum og tapi undirliggjandi skuldabréfa á þann hátt að lánshæfiseinkunn á einstökum útgefendum eða skuldabréfum er lögð til grundvallar á lánshæfismati sjóðanna.

Í óútkominni skýrslu GAMMA segir að undanfarið hafi borið á auknum áhuga meðal einkaaðila á innviðafjárfestingum. Í samtali við Viðskiptablaðið gerir Stefán Friðriksson, lánastjóri hjá Norræna fjárfestingarbankanum (NIB), nánar grein fyrir slíkum einkaframkvæmdum og fjárfestingu í innviðum.

GAMMA Capital Management og Listahátíð í Reykjavík hafa skrifað undir samstarfssamning þar sem GAMMA gerist bakhjarl hátíðarinnar til ársins 2020.

Markaðsvísitala GAMMA lækkaði um 0,4% í maí og nam meðaldagsveltan 7,9 milljörðum. Ríkistryggða skuldabréfavísitalan hækkaði um 0,1% í mánuðinum, Vísitala fyrirtækjaskuldabréfa hækkaði um 0,2% og Hlutabréfavísitala GAMMA lækkaði um 1,3%.