Eins árs rekstrarsaga EQUITY og CREDIT
Hlutabréfasjóðurinn GAMMA: EQUITY og fyrirtækjaskuldabréfasjóðurinn GAMMA: CREDIT hafa verið starfræktir í 1 ár. Ávöxtun EQUITY var 20,8% og ávöxtun CREDIT var 4,1% síðustu 12 mánuði.
Hlutabréfasjóðurinn GAMMA: EQUITY og fyrirtækjaskuldabréfasjóðurinn GAMMA: CREDIT hafa verið starfræktir í 1 ár. Ávöxtun EQUITY var 20,8% og ávöxtun CREDIT var 4,1% síðustu 12 mánuði. Sjóðirnir eru rafrænt skráðir fjárfestingarsjóðir og opnir fyrir almenna fjárfesta sem og fagfjárfesta.
EQUITY
Ávöxtun GAMMA: EQUITY fyrsta rekstrarárið var 20,8%. Á sama tíma hækkaði Hlutabréfavísitala GAMMA um 6,9%. Sjóðurinn er um 1 milljarður að stærð og opinn til fjárfestinga fyrir almenning sem og fagfjárfesta. Fjárfestingarmarkmið sjóðsins er að auka að raunverðmæti sjóðsins með virkri stýringu í innlendum hlutabréfum. Stærstu eignir sjóðsins í dag eru í Högum, Reginn, Eimskip og Eik fasteignafélagi.
Nálgast má upplýsingar um sögulega þróun á vefsíðu Keldunnar www.keldan.is og Datamarket www.datamarket.is, þar sem einnig má finna samanburð við vísitölur. Hér má sjá samanburð á gengisþróun sjóðsins og þróun Hlutabréfavísitölu GAMMA: http://data.is/1gENujW
Sjá má nánari upplýsingar s.s. reglur og útboðslýsingu um sjóðinn hér:
http://www.gamma.is/sjodir/gamma-equity/
CREDIT
Ávöxtun GAMMA: CREDIT fyrsta rekstrarárið var 4,1%. Á sama tíma hækkaði vísitala fyrirtækjaskuldabréfa um 2,4% en vísitala ríkisskuldabréfa stóð í stað. Sjóðurinn er um 4 milljarðar að stærð og opinn til fjárfestinga fyrir almenning sem og fagfjárfesta. Fjárfestingarmarkmið sjóðsins er að auka að raunverðmæti sjóðsins með virkri stýringu í einkum innlendum skuldabréfum og vaxtaafurðum án ríkisábyrgðar. Eignasafn sjóðsins samastendur af 24 fjárfestingum og eru stærstu eignir sjóðsins í skuldabréfum útgefnum af Lánasjóði Sveitarfélaga, HS Veitum, Reykjavíkurborg, Farice (með ríkisábyrgð), sértryggðum skuldabréfum bankanna og Skipti.
Upplýsingar um sögulega þróun og ávöxtun CREDIT sjóðsins má einnig finna á vefsvæði Keldunnar og Datamarket. Hér má sjá samanburð við vísitölu fyrirtækjaskuldabréfa: http://data.is/1gENmkr
Sjá má nánari upplýsingar s.s. reglur og útboðslýsingu um sjóðinn hér:
http://www.gamma.is/sjodir/gamma-credit/
Allar nánari upplýsingar gefur Valdimar Ármann, framkvæmdastjóri sjóða í tölvupósti valdimar@gamma.is eða síma 519-3304.
Hafa verður í huga að ávöxtun í fortíð gefur ekki vísbendingu um ávöxtun í framtíð.
Fyrirvari:
Umfjöllun þessi felur ekki í sér fjárfestingarráðgjöf eða tilboð eða hvatningu um að eiga viðskipti með verðbréf. Mat, álit og forspár endurspegla eingöngu skoðanir þeirra starfsmanna GAM Management hf. sem vinna umfjöllunina og eru þær settar fram eftir bestu samvisku miðað við útgáfudag og kunna að breytast án fyrirvara. Þó svo upplýsingar þær sem birtast í þessari umfjöllun komi frá heimildum sem við teljum vera áreiðanlegar og þó svo við höfum lagt okkur fram um að tryggja áreiðanleika upplýsinganna á útgáfudegi þá ábyrgjumst við ekki beint eða óbeint notagildi þeirra varðandi forspá um framtíðarávöxtun eða mat á núverandi verðgildi eða framtíðarverðgildi verðbréfa. Umfjöllunin ætti hvorki að skoðast sem fullnægjandi lýsing á þeim verðbréfum né á þeim mörkuðum sem hér er vitnað til. Skoðanir, sem látnar eru í ljós, kunna að vera ólíkar skoðunum á sama efni sem látnar eru í ljós af öðrum starfsmönnum GAM Management hf. og stafar það af því að beitt er mismunandi forsendum eða aðferðafræði. GAM Management hf. er rekstrarfélag Fjárfestingarsjóðs GAM Management hf. Sjóðurinn er fjárfestingarsjóður skv. lögum nr. 128/2011 um verðbréfasjóði, fjárfestingarsjóði og fagfjárfestasjóði. Nánari upplýsingar um áhættu og fjárfestingar má finna í útboðslýsingu eða útdrætti úr útboðslýsingu sjóðsins, sem nálgast má á heimasíðu GAM Management hf. eða á skrifstofu félagsins. Almennt fylgir áhætta fjárfestingu í verðbréfasjóðum, fjárfestingarsjóðum og fagfjárfestasjóðum og eignarhlutdeild getur rýrnað, aukist eða staðið í stað, m.a. vegna áhættu vegna efnahagsástands, alþjóðlegra fjárfestinga og gengisflökts gjaldmiðils þegar eignir sjóðs eru í erlendum gjaldmiðlum. Athygli er vakin á því að söguleg ávöxtun gefur ekki vísbendingu um framtíðarávöxtun.