Endurstilling Hlutabréfavísitölu GAMMA
Samsetning Hlutabréfavísitölu GAMMA tekur breytingum um mánaðamótin, en frá og með 1. júlí 2015 bætast fasteignafélögin Eik og Reitir við vísitöluna.
Samsetning Hlutabréfavísitölu GAMMA tekur breytingum um mánaðamótin, en frá og með 1. júlí 2015 bætast fasteignafélögin Eik og Reitir við vísitöluna. Eftir breytinguna inniheldur vísitalan því 13 fyrirtæki: Eik, Eimskip, Haga, Icelandair, Marel, Reginn, TM, VÍS, Vodafone, N1, Reiti, Sjóvá og Granda. Áætluð aukning í markaðsvirði vísitölunnar við þessar breytingar verður um 57 ma. Markaðsvirði Eikar og Reita er um 70 ma. en á móti vegur meðal annars hlutafjárlækkun í N1 sem tekur gildi um mánaðamótin.
Áætluð samsetning eftir endurstillingu
Samsetning vísitölunnar tekur mið af veltumestu fyrirtækjunum, þar sem gjaldgengum fyrirtækjum er raðað upp eftir veltu seinustu sex mánaða og þau síðan valin inn í vísitöluna hvert á fætur öðru þar til 90% af flotleiðréttu markaðsvirði allra gjaldgengra fyrirtækja er komið inn í vísitöluna. Gjaldgeng fyrirtæki teljast þau fyrirtæki sem eru með a.m.k. 10% frjálst flot, gefa út hlutabréf sín í krónum og eru skráð á Aðalmarkað NASDAQ OMX Iceland. Næsta endurstilling á sér stað mánaðamótin september-október 2015.
Hægt er að óska eftir að fá vísitölugildi send daglega í tölvupósti með því að láta vita á gamma@gamma.is eða síma 519-3300.
Vísitölur GAMMA ná yfir hlutabréf, ríkisskuldabréf og skuldabréf fyrirtækja sem skráð eru í NASDAQ OMX Iceland, eða íslensku kauphöllina. Vísitölurnar eru sendar út endurgjaldslaust í lok hvers viðskiptadags til áskrifenda. Söguleg gögn þeirra má nálgast á Datamarket og Bloomberg og er notkun þeirra heimil gegn því að heimildar sé getið. Allar nánari upplýsingar um Vísitölur GAMMA má nálgast á heimasíðu GAMMA hér: http://www.gamma.is/visitolur/