Skuldabréfavísitölur GAMMA í mars 2010
GAMMA: GBI hækkaði um 1,37% í febrúar. Hlutfall óverðtryggðra bréfa hélt áfram að aukast og er nú 28,2% í heildarvísitölunni.
Helstu atriði
- GAMMA: GBI hækkaði um 1,37% í febrúar.
- GAMMAxi: Óverðtryggt hækkaði um 1,96% en GAMMAi: Verðtryggt hækkaði um 1,15%.
- Tvö frumútboð ríkisbréfa, 9,7ma í RB25, sem er nú stærsti flokkur ríkisbréfa 74,4ma, og 13,1ma í RB11.
- Hlutfall óverðtryggðra bréfa af heildarstærð skuldabréfamarkaðarins hækkaði um 1,15% í 28,2%
- Heildarmarkaðsverðmæti skuldabréfa í GAMMA: GBI jókst um 37ma í og er nú 1.135ma.
GAMMA: GBI | GAMMAi: Verðtryggt | GAMMAxi: Óverðtryggt | |||
---|---|---|---|---|---|
1m | 1,37% | 1,15% | 1,96% | ||
6m | 9,66% | 10,69% | 6,66% | ||
1Y | 24,12% | 27,39% | 14,48% | ||
ytd | 2,32% | 2,12% | 2,83% |
Ávöxtun vísitölunnar
Heildarvísitalan hækkaði um 1,37% í febrúar og hefur nú hækkað um 2,32% síðastliðna tvo mánuði þ.e. frá áramótum.
Töluvert meiri ávöxtun var af óverðtryggðum bréfum í febrúar og hækkaði GAMMAxi: Óverðtryggt um 1,96% en GAMMAi: Verðtryggt hækkaði um 1,15%, eftir að hafa verið nánast óbreytt fyrstu þrjár vikurnar. Hafa verðtryggð bréf hækkað meira síðustu daga mánaðarins eftir verðbólgumælinguna sem var aðeins hærri en búist var við.
Vigtir skuldabréfa
Í febrúar jókst hlutfall óverðtryggðra bréfa um 1,15% og hafa nú náð 28,2% af heildarvísitölunni.
Tvö frumútboð voru á ríkisbréfum; samtals var gefið út 9,7ma í RB25, sem er nú stærsti flokkur ríkisbréfa 74,4ma, og gefið var út 13,1ma í RB11. Jókst hlutfall RB25 um 0,9% og RB11 um 1,2%. Einnig var útboð hjá Íbúðalánasjóði og var gefið út 2,3ma í HFF44, 1,5ma í HFF34 og 1,1ma í HFF24.
Afborgun af HFF24 lækkaði hlutfall hans um 0,9% og vaxtagreiðsla af RB19 lækkaði hlutfall hans um 0,6%.
Markaðsverðmæti skuldabréfa jókst um 37ma og er nú 1.135ma.