Fréttir


Þórður Ágúst Hlynsson ráðinn til GAMMA Capital Management

30.3.2017

Þórður Ágúst Hlynsson mun starfa sem verkefnastjóri erlendra sérhæfðra fjárfestinga

Þórður hefur yfir 15 ára alþjóðlega reynslu á sviði verkefnastjórnunar, fyrirtækjaráðgjafar, fjármögnunar og stefnumótunar fyrirtækja.  Þórður var framkvæmdastjóri fyrirtækjaþróunnar Icelandic Group frá árunum 2012 til 2016 þar sem hann stýrði stefnumótun, fyrirtækjaráðgjöf og ýmsum sérverkefnum innan samstæðu félagsins á Íslandi, Bretlandi, Belgíu, Spáni, Asíu og í Bandaríkjunum. 

Frá 2006 til 2012 starfaði Þórður í London sem ráðgjafi í fyrirtækjaráðgjöf, fyrst hjá alþjóðlegu teymi Landsbankans, og síðar sem einn af stofnendum Pensum Partners Limited.  Á árunum 2000 til 2005 starfaði Þórður sem sérfræðingur í fjármögnun atvinnutækja hjá SP-Fjármögnun hf.

Þórður er viðskiptafræðingur frá Háskólanum í Reykjavík og hefur lokið M.Sc. gráðu í fjármálum frá Cass Business School í London.  Þórður hefur lokið prófi FCA í fyrirtækjaráðgjöf í London og mun ljúka prófi í verðbréfaviðskiptum á Íslandi 2017.

GAMMA hóf starfsemi í London árið 2015 og í fyrra fékk félagið sjálfstætt starfsleyfi frá breska fjármálaeftirlitinu í Bretlandi. Leyfið heimilar GAMMA að veita viðskiptavinum sínum víðtæka fjármálaþjónustu, sem felur meðal annars í sér fyrirtækjaráðgjöf og fjárfestingarráðgjöf. Markmið eigenda og stjórnenda GAMMA hefur verið að útvikka og styrkja grundvöll starfseminnar þar í landi. GAMMA vinnur einnig að undirbúningi við opnun nýrrar skrifstofu í New York um þessar mundir. 

Senda grein