Vísitölur GAMMA í nóvember 2015

1.12.2015 Vísitölur

Markaðsvísitala GAMMA lækkaði um 2,9% í nóvember og nam meðaldagsveltan 12,7 milljörðum. Er þetta fyrsti mánuður ársins þar sem markaðsvísitalan lækkar. Markaðsverðmæti vísitölunnar lækkaði um 62 milljarða og eru 2.386 milljarðar.

Gengi vísitalna frá áramótum

Skuldabréfavísitala GAMMA, GAMMA:GBI, lækkaði um 3,9% í nóvember og nam meðal dagsveltan 9,6 milljörðum. Verðtryggða vísitalan lækkaði um 4,4% á meðan sú óverðtryggða lækkaði um 3,0%. Gefin voru út bréf í flokki RIKB17 [2.340 mln nom] sem hækkar hlutfall hans í vísitölunni. Markaðsverðmæti skuldabréfa í vísitölunni lækkaði um 58 ma. og er nú 1.494 ma. Líftími vísitölunnar lækkar um 0,3 og er 7,8 ár. Mánaðaryfirlitið með ítarlegri upplýsingum má finna hér.

Hlutabréfavísitala GAMMA lækkaði um 0,9% í nóvember og nam meðaldagsveltan 2,1 ma. Markaðsverðmæti vísitölunnar lækkaði um 6 ma. í mánuðinum og er 684 ma. Marel (+11,2%) var eina bréfið í vísitölunni sem hækkaði í mánuðinum, en mest lækkuðu bréf í Icelandair (-7,4%) og Eimskip (-6,9%). Mánaðaryfirlitið með ítarlegri upplýsingum má finna hér.

Ávöxtun einstakra bréfa innan vísitölunnar í nóvember

Vísitala fyrirtækjaskuldabréfa lækkaði um 2,4% í nóvember og nam meðaldagsveltan 637 milljónum, þar af lækkaði sértryggða vísitalan GAMMAcb um 2,2% í mánuðinum og nam meðaldagsveltan 469 milljónum.

Gefin voru út bréf í flokkum LBANK CBI 22 [1.840 mln nom], LBANK CB 17 [400 mln nom], LBANK CB 19 [1.280 mln nom] og LSS24 [240 mln nom] í mánuðinum, sem hækkar hlutfall þeirra í vísitölunni.

Markaðsverðmæti skuldabréfa í vísitölunni stendur í stað milli mánaða og er um 212 milljarðar. Líftími vísitölunnar lækkaði um 0,2 og er 7,6 ár. Mánaðaryfirlitið með ítarlegri upplýsingum má finna hér.

Skipting fyrirtækjaskuldabréfavísitölu GAMMA

Þeir sem óska eftir að fá vísitölugildi send daglega í tölvupósti vinsamlegast látið okkur vita á emaili gamma@gamma.is eða í síma 519-3300.