GAMMA: TOTAL

GAMMA: Total Return Fund

Fjárfestingarsjóður

Með virkri stýringu, eignadreifingu, ítarlegri greiningarvinnu, öguðum vinnubrögðum og stöðugri vöktun teljum við að fjárfestingarsjóðurinn GAMMA: Total Return Fund eigi mikla möguleika á að nýta fjárfestingarmöguleika á komandi misserum á íslenskum fjármálamarkaði. Sjóðurinn er opinn almennum fjárfestum.

GAMMA: Total Return Fund

GAMMA: Total Return Fund er fjárfestingarsjóður, skv. lögum 128/2011 um verðbréfasjóði, fjárfestingarsjóði og fagfjárfestasjóði, sem fjárfestir að meginhluta í skráðum skuldabréfum, skráðum hlutabréfum og innlánum, hvort sem er með beinni fjárfestingu eða í gegnum aðra sjóði. Sjóðurinn hefur einnig heimild til að fjárfesta að hluta til í óskráðum verðbréfum sem og afleiðum.
 
Fjárfestingarmarkmið sjóðsins er að viðhalda og auka að raunvirði verðmæti eigenda sjóðsins með virkri stýringu. Helstu fjárfestingarákvarðanir sjóðsins eru ákvarðaðar af fjárfestingarteymi GAMMA. Víðtæk sérfræðikunnátta starfsmanna GAMMA á íslenskum og erlendum fjármálamörkuðum á sviði skuldabréfa, hlutabréfa og afleiða verður nýtt til að ná sem bestri ávöxtun að teknu tilliti til áhættu.

Á tímum mikillar óvissu og umróta á fjármálamörkuðum getur sveigjanleiki og virk stýring gegnt lykilhlutverki við að ná góðri ávöxtun.

Sjóðurinn hefur þann 2. maí 2013 verið starfræktur í eitt ár og af því tilefni var gefið út ítarlegra upplýsingablað um sjóðinn og hugmyndafræðina sem má nálgast hér.

Nánari upplýsingar

  • Gengisuppreikningur daglega
  • Viðskiptadagar miðast við kl. 14:00 og er uppgjörsdagur viðskipta t+3
  • Rafrænt skráður hjá Verðbréfaskráningu

 

Sjóðsstjóri og fjárfestingarteymi

Valdimar Ármann, sjóðsstjóri, hagfræðingur og fjármálaverkfræðingur
Starfaði áður hjá ABN AMRO í London við verðbólgutengdar afurðir frá 2003-2006 og síðan í New York frá 2006-2008 hjá sama banka, og síðar hjá RBS sem Vice President, Head of Inflation Structuring USA. Valdimar kennir einnig sem aðjúnkt í meistaranámi í fjármálahagfræði hjá Háskóla Íslands.

Agnar Tómas Möller, verkfræðingur
Agnar starfaði áður í áhættustýringu og skuldabréfamiðlun Kaupþings frá 2004 til 2008. Agnar kennir einnig í meistaranámi í fjármálahagfræði hjá Háskóla Íslands.

Gísli Hauksson, hagfræðingur og framkvæmdastjóri GAMMA
Gísli starfaði árin 2001-2008 hjá Kaupþingi, bæði hérlendis og í London. Stærsta hluta tímabilsins var hann Director of Fixed Income Sales en vann einnig við skuldastýringu, gjaldeyrisviðskipti og afleiðumiðlun.

Guðmundur Björnsson, verkfræðingur
Guðmundur var á árunum 2005-2008 forstöðumaður Afleiðuviðskipta Kaupþings. Guðmundur hefur lokið prófi í verðbréfaviðskiptum og hefur kennt afleiðuhluta þess prófs síðustu árin.

Lýður Þór Þorgeirsson, MBA & B.Sc. rafmagns- og tölvuverkfræði
Lýður vann hjá skilanefnd Kaupþings og þar áður við fyrirtækjaráðgjöf hjá Kaupþingi. Árin 2000-2005 starfaði Lýður hjá Glitni við skuldsetta fjármögnun fyrirtækja. Lýður er með MBA frá MIT Sloan.


Áhætta

Ýmis áhætta felst í fjárfestingu í fjárfestingarsjóðum og eru þeir að jafnaði áhættumeiri en verðbréfasjóðir og getur gengi þeirra breyst töluvert. Ber helst að geta markaðs-, vaxta-, lausafjár- og mótaðilaáhættu sem mynda óvissu um framvindu á verðbréfamarkaði. Dreifing fjárfestinga milli eignaflokka er með þeim hætti að markaðs- og mótaðilaáhætta er takmörkuð eins og unnt er. Fjárfestingar í hlutabréfum og skuldabréfum fyrirtækja eru eðli málsins samkvæmt áhættusamari en fjárfestingar í ríkistryggðum eignum. Dregið er úr lausafjáráhættu með því að geyma hluta eignasafnins í reiðufé eða auðseljanlegum eignum. Meðallíftími sjóðsins í skuldabréfum getur verið þónokkur sem myndar töluverða vaxtaáhættu. Upplýsingar um tíu stærstu útgefendur eigna sjóðsins eru reglulega birtar í útgefnu efni um sjóðinn og má finna í upplýsingablaði um sjóðinn sem er uppfært mánaðarlega hér til hliðar.
 

Valdimar Ármann veitir frekari upplýsingar um sjóðinn í síma 519-3304 eða á valdimar@gamma.is

Reglur og fjárfestingarstefnu, útboðslýsingu og útdrátt úr útboðslýsingu má finna hér til hliðar.


Skattlagning

Skattaleg meðferð hlutdeildarskírteina í Fjárfestingarsjóði GAMMA fer eftir lögum nr. 90/2003, um tekjuskatt, eins og þau eru á hverjum tíma. Af hlutdeildarskírteinum í GAMMA: TRF greiðist fjármagnstekjuskattur. Fjárfestar eru hvattir til þess að kynna sér skattalega stöðu sína og er ráðlagt að leita til sérfróðra aðila á því sviði, s.s. skattalögfræðinga eða endurskoðenda.



 
Senda grein

Gamma

Sjóðir

Upplýsingablað Fjárfesta í sjóði

Almennt

Stofnár 2012
Rekstrarform Fjárfestingarsjóður
Lágm. kaup 10.000 kr.
Hámarksstærð Engin
Sjóðsstjóri Valdimar Ármann
Fjárfestingarteymi Agnar Tómas Möller
Gísli Hauksson
Guðmundur Björnsson
Lýður Þorgeirsson

Þóknanir

Árleg þóknun 1,00%
Gengismunur 0,00%
Kaupþóknun 0,50%
Árangurstengd þóknun 10% umfram viðmið
Viðmið Innlánsvextir Seðlabanka Íslands
Innlausnargjald 0 kr

Fjárfesting í sjóði

Kaup/innlausn T+3
Viðmiðunartími Fyrir kl 14:00

Ítarefni

Fyrirvari:

Umfjöllun þessi felur ekki í sér fjárfestingarráðgjöf eða tilboð eða hvatningu um að eiga viðskipti með verðbréf. Mat, álit og forspár endurspegla eingöngu skoðanir þeirra starfsmanna GAM Management hf. sem vinna umfjöllunina og eru þær settar fram eftir bestu samvisku miðað við útgáfudag og kunna að breytast án fyrirvara. Þó svo upplýsingar þær sem birtast í þessari umfjöllun komi frá heimildum sem við teljum vera áreiðanlegar og þó svo við höfum lagt okkur fram um að tryggja áreiðanleika upplýsinganna á útgáfudegi þá ábyrgjumst við ekki beint eða óbeint notagildi þeirra varðandi forspá um framtíðarávöxtun eða mat á núverandi verðgildi eða framtíðarverðgildi verðbréfa. Umfjöllunin ætti hvorki að skoðast sem fullnægjandi lýsing á þeim verðbréfum né á þeim mörkuðum sem hér er vitnað til. Skoðanir, sem látnar eru í ljós, kunna að vera ólíkar skoðunum á sama efni sem látnar eru í ljós af öðrum starfsmönnum GAM Management hf. og stafar það af því að beitt er mismunandi forsendum eða aðferðafræði. GAM Management hf. er rekstrarfélag Fjárfestingarsjóðs GAM Management. Sjóðurinn er fjárfestingarsjóður skv. lögum nr. 128/2011 um verðbréfasjóði, fjárfestingarsjóði og fagfjárfestasjóði. Nánari upplýsingar um áhættu og fjárfestingar má finna í útboðslýsingu eða útdrætti úr útboðslýsingu sjóðsins, sem nálgast má á heimasíðu GAM Management hf. eða á skrifstofu félagsins. Almennt fylgir áhætta fjárfestingu í fjárfestingarsjóðum og eignarhlutdeild getur rýrnað, aukist eða staðið í stað, m.a. vegna áhættu vegna efnahagsástands, alþjóðlegra fjárfestinga og gengisflökts gjaldmiðils þegar eignir sjóðs eru í erlendum gjaldmiðlum. Athygli er vakin á því að söguleg ávöxtun gefur ekki vísbendingu um framtíðarávöxtun.

Leita á vefnum

Þetta vefsvæði byggir á Eplica