GAMMA: GOV

GAMMA: Iceland Government Bond Fund

Verðbréfasjóður

GAMMA: Iceland Government Bond Fund  (GAMMA: GOV) er verðbréfasjóður sem fjárfestir eingöngu í vel tryggðum skuldabréfum sem eru útgefin af ríkissjóði og aðilum með ríkisábyrgð s.s. Íbúðalánasjóði.

Sjóðurinn hentar fjárfestum sem vilja fjárfesta í vel tryggðum skuldabréfum með virkri stýringu en með lágmarkskostnaði.

Fjárfestingarmarkmið

Fjárfestingarmarkmið sjóðsins er að auka verðmæti eigenda sjóðsins með fjárfestingum í vel tryggðum skuldabréfum með virkri fjárfestingastefnu.

GAMMA: GOV fjárfestir eingöngu í vel tryggðum skuldabréfum útgefnum af:

  • Ríkissjóði
  • Aðilum með ríkisábyrgð s.s. Íbúðalánasjóði  

 

Virk fjárfestingarstefna

GAMMA: GOV beitir virkri fjárfestingarstefnu með þeirri aðferðafræði sem GAMMA hefur þróað og notað við stýringu annarra skuldabréfasjóða GAMMA.  Sú aðferðarfræði  býður upp á góða möguleika á að skila umframávöxtun miðað við skuldabréfavísitölu markaðarins, GAMMA: GBI sem og sambærilega sjóði.

Virk fjárfestingarstefna felur í sér að skipta á milli óverðtryggðra og verðtryggðra bréfa, langs og stutts líftíma og milli mismunandi útgefanda.

Þótt velta hafi aukist á skuldabréfamarkaði er stærð langflestra sjóða slík að þeir geta erfiðlega breytt eignasamsetningu sinni snögglega. Þar sem stærð GAMMA: GOV verður að hámarki 9,5 ma kr. að stærð getur sjóðurinn breytt eignasamsetningu sinni hratt og án mikilla áhrifa á markaðinn.

Á tímum mikillar óvissu og umróta á fjármálamörkuðum getur sveigjanleiki gegnt lykilhlutverki við að ná góðri ávöxtun.
 

Af hverju GAMMA: GOV

  • Sjóðurinn er töluvert minni en stærstu sjóðirnir á markaðnum sem auðveldar virka stýringu
  • Mikill sveigjanleiki í líftíma eigna sjóðs, 1-10 ár
  • Lægsta umsýsluþóknun sambærilegra sjóða (víða 0,7-1,0%)
  • Enginn munur á kaup og sölugengi (víða 0,5-1,0%)
  • Engin kaupþóknun (víða 0,5-1,0%)
  • Fyrsti rafræni verðbréfasjóður landsins með skuldabréf, fjárfestar geta því geymt skírteini í sjóðnum hjá hvaða bankastofnun sem er

 

Skattlagning

Skattaleg meðferð hlutheildarskírteina í GAMMA: GOV fer eftir lögum nr. 90/2003, um tekjuskatt, eins og þau eru á hverjum tíma. Af hlutdeildarskírteinum í GAMMA: GOV greiðist fjármagnstekjuskattur. Fjárfestar eru hvattir til þess að kynna sér skattalega stöðu sína og er ráðlagt að leita til sérfróðra aðila á því sviði, s.s. skattalögfræðinga eða endurskoðenda.

 

 

Árshlutareikning Verðbréfasjóðs GAMMA má finna hér.
Senda grein

Sjóðir

Gamma


Upplýsingablað Fjárfesta í sjóði

Almennt

Stofnár 2009
Rekstrarform Verðbréfasjóður
Lágm. kaup 10.000 kr.
Sjóðsstjóri Agnar Tómas Möller
Sjóðateymi Agnar Tómas Möller
Gísli Hauksson
Guðmundur Björnsson
Valdimar Ármann

Þóknanir

Árleg þóknun 0,60%
Gengismunur 0,00%
Kaupþóknun 0,00%
Innlausnargjald 0 kr

Fjárfesting í sjóði

Kaup/innlausn T+1
Viðmiðunartími Fyrir kl 14:00

Ítarefni

Fyrirvari:

Umfjöllun þessi felur ekki í sér fjárfestingarráðgjöf eða tilboð eða hvatningu um að eiga viðskipti með verðbréf. Mat, álit og forspár endurspegla eingöngu skoðanir þeirra starfsmanna GAM Management hf. sem vinna umfjöllunina og eru þær settar fram eftir bestu samvisku miðað við útgáfudag og kunna að breytast án fyrirvara. Þó svo upplýsingar þær sem birtast í þessari umfjöllun komi frá heimildum sem við teljum vera áreiðanlegar og þó svo við höfum lagt okkur fram um að tryggja áreiðanleika upplýsinganna á útgáfudegi þá ábyrgjumst við ekki beint eða óbeint notagildi þeirra varðandi forspá um framtíðarávöxtun eða mat á núverandi verðgildi eða framtíðarverðgildi verðbréfa. Umfjöllunin ætti hvorki að skoðast sem fullnægjandi lýsing á þeim verðbréfum né á þeim mörkuðum sem hér er vitnað til. Skoðanir, sem látnar eru í ljós, kunna að vera ólíkar skoðunum á sama efni sem látnar eru í ljós af öðrum starfsmönnum GAM Management hf. og stafar það af því að beitt er mismunandi forsendum eða aðferðafræði. GAM Management hf. er rekstrarfélag Verðbréfasjóðs GAM Management. Sjóðurinn er verðbréfasjóður skv. lögum nr. 128/2011 um verðbréfasjóði, fjárfestingarsjóði og fagfjárfestasjóði. Nánari upplýsingar um áhættu og fjárfestingar má finna í útboðslýsingu eða útdrætti úr útboðslýsingu sjóðsins, sem nálgast má á heimasíðu GAM Management hf. eða á skrifstofu félagsins.  Almennt fylgir áhætta fjárfestingu í verðbréfasjóðum og  eignarhlutdeild getur rýrnað, aukist eða staðið í stað, m.a. vegna áhættu vegna efnahagsástands, alþjóðlegra fjárfestinga og gengisflökts gjaldmiðils þegar eignir sjóðs eru í erlendum gjaldmiðlum. Athygli er vakin á því að söguleg ávöxtun gefur ekki vísbendingu um framtíðarávöxtun.

Leita á vefnum

Þetta vefsvæði byggir á Eplica