Endurstilling Hlutabréfavísitölu GAMMA
Samsetning Hlutabréfavísitölu GAMMA tók breytingum um áramótin. Frá og með 2. janúar 2018 falla tryggingafélögin TM og Sjóvá úr vísitölunni.
Samsetning Hlutabréfavísitölu GAMMA inniheldur því 13 fyrirtæki: Eik, Eimskip, Granda, Haga, Icelandair, Marel, N1, Reginn, Reiti, Símann, Skeljung, VÍS og Vodafone. Vísitalan er endurstillt ársfjórðungslega.
Samsetning GAMMA: Equity Index
Samsetning vísitölunnar tekur mið af veltumestu fyrirtækjunum, þar sem gjaldgengum fyrirtækjum er raðað upp eftir veltu seinustu sex mánaða og þau síðan valin inn í vísitöluna hvert á fætur öðru þar til 90% af flotleiðréttu markaðsvirði allra gjaldgengra fyrirtækja er komið inn í vísitöluna. Gjaldgeng fyrirtæki teljast þau fyrirtæki sem eru með a.m.k. 10% frjálst flot, gefa út hlutabréf sín í krónum og eru skráð á Aðalmarkað NASDAQ OMX Iceland. Næsta endurstilling á sér stað mánaðamótin mars-apríl 2018.
Hægt er að óska eftir að fá vísitölugildi send daglega í tölvupósti með því að hafa samband á gamma@gamma.is eða síma 519-3300.
Vísitölur GAMMA ná yfir hlutabréf, ríkisskuldabréf og skuldabréf fyrirtækja sem skráð eru í NASDAQ OMX Iceland, eða íslensku kauphöllina. Vísitölurnar eru sendar út endurgjaldslaust í lok hvers viðskiptadags til áskrifenda. Söguleg gögn þeirra má nálgast á Datamarket og Bloomberg og er notkun þeirra heimil gegn því að heimildar sé getið. Allar nánari upplýsingar um Vísitölur GAMMA má nálgast á heimasíðu GAMMA hér: http://www.gamma.is/visitolur/